الدعم

التنبيهات ما توصلني

الأسئلة توصل بأوقات مفاجئة، فبدون التنبيهات بتفوتك. فعّلها كذا:

1. افتح الإعدادات ← جاوب ← الإشعارات في جوالك.
2. شغّل السماح بالإشعارات.
3. إذا عندك وضع تركيز مثل عدم الإزعاج، تأكد إنه ما يكتم جاوب.

يوصلك سؤال كل ساعة من 9 الصبح إلى 12 بالليل بتوقيت الرياض، يعني 15 سؤال باليوم.

ما وصلني رمز الدخول

1. شوف مجلد البريد غير المرغوب فيه، واسمه أحيانًا Junk أو Spam. الرسالة توصل من noreply@alriyadh.dev
2. تأكد إن الإيميل مكتوب صح. إذا فيه غلط، اضغط غيّر الإيميل.
3. انتظر شوي، ثم اضغط أرسل الرمز مرة ثانية.

الرمز من 6 أرقام، ويشتغل لمدة 10 دقايق.

غيّرت جوالي، كيف أرجع لنتيجتي؟

إذا كنت مسجّل بإيميلك، سجّل دخول بنفس الإيميل في الجوال الجديد، وترجع لك نتيجتك. وإذا كنت تلعب بدون حساب، النتيجة مربوطة بجوالك القديم، فأنشئ حسابك هناك أول.

أبي أحذف حسابي

1. افتح صفحة حسابي داخل التطبيق.
2. اضغط حذف الحساب.
3. إذا عندك حساب، نرسل رمز تأكيد لإيميلك. اكتبه، وينحذف حسابك. وإذا تلعب بدون حساب، تنحذف بياناتك على طول بدون رمز.

الحذف يمسح إيميلك وكل إجاباتك ونتائجك، وما نقدر نرجعها. التفاصيل في سياسة الخصوصية.